X
تبلیغات
ادراک لار / دوشونجه لر - باشقا شعرلر
داودکیانی نین فارسی وتورکی شعرلری/یازی لاری

 

آل قانا   بویانان  دورانین سه سی

دویوشه سولانان میدانین سه سی

جهل دن جانیخان انسانین سه سی

حریت ایسته یر / حورمت ایسته یر

 

دویوش میدانین دا توزدا دومان دا

انسانلیق اوستونه نفرت جومان دا

آنا بالاسی نین   گوزون  یومان دا

حریت ایسته یر/  حورمت ایسته یر

 

گوزگودن ده دورو  گوزلرین  یاشی

گونو گوندن  آرتان گورلارین داشی

آی اوزلو قیزلارین قانلی  گوز قاشی

حریت ایسته یر/  حورمت ایسته یر

 

دنیزه یوللانان  دوم دورو چای دا

چای لاردا چیمنده هر گئجه آی دا

آیلار دولاندیقجا  پائیز دا / یای دا

حریت ایسته یر / حورمت ایسته یر

 

یئنی  تمدنه   محکم  دایاق لار

تاریخین تئلینه قیزیل یاراق لار

قویون آیدین دئیم بیزیم اوشاق لار

حریت ایسته یر/  حورمت ایسته یر

 

سینیر دن سوئوشان تیکان لی سیم ده

کوکـره یب  طوفانا  دونن  نسیم ده

ایچیمده بوغولان (یالقیز) سسیم ده

حریت ایسته یر/  حورمت ایسته یر

 

گونش ده یایلیق این داغ دا سرن ده

ساچینی چایلار دا آچیب هورن ده

آدم اولادی نی اسیــــــــــر گورنده

حریت ایسته یر / حورمت ایسته یر

                        اردبیل- داودکیانی

                           22/5/1367

 

+ نوشته شده در  دوشنبه بیست و پنجم آذر 1387ساعت 16:46  توسط داودکیانی | 
 

بیرائلین حسرتی/  آغلار گوزوم ده

عصیان لی نعره سی / اودلو سوزوم ده

همتی الیم ده  / گوجو دیزیم ده

گئدیره م سحرین ذیروه سین آشام

 

 دنیادا  حریت اولان دان یاساق

آلمیشام الیمه بیر قانلی بایراق

دایانسام دارالار/ قارالان شافاق

قورخورام یوبانسام دوز یول دان چاشام

 

قارانلیق یارادار مین جوره بدعت

قارادان دوغولار قارانلیق البت

ائتمیر سفیل حیات منه کفایت

اولسه م ده ایستیره م بیر آز آق لاشام

 

آق لاشیب گئینه م ایشق دان کوینه ک

سینه م ده بئجره م گول اتک اتک

منیم له بیرگونو دوز دئسه فلک

اونونلا باریشام  اونلا باغلاشام

 

حیاتیم باغلی دیر اینجه بیر تئله

عوموروم عشقیمه  قوی اولسون صله

حاصلیم نه دئیم بل لی دیر ائله

تانیشدان آتیلمیش کسسه ک ام/ داشام

 

ایستیره م دئیه م کی گوزوزده ن ایراق

شاختادان باغچادا سولان دا یاپراق

بعضا گورورسن کی باش اولور ایااق

باش لیق دا قالسام دا ایاق سیز باشام

                                          اردبیل -داودکیانی

+ نوشته شده در  سه شنبه هفتم آبان 1387ساعت 15:27  توسط داودکیانی | 
 

انسانا  ان عولوی  ابدی  دویغو

بو فانی دنیادا عشق ایسه آنجاق

عشقین حورمتی ده گره ک قورنسون

بو عولوی دویغونو عزیز ساخلایاق

: اگردراین جهان گذران/ عشق نیاز ابدی وماندگار انسانهاست . باید عشق رانیزچون جان / عزیز و گرامی داشت

حیات سماسین دا  دایم  پارلایب

شعاع لار ساچدیران بیرگونش دی عشق

انسانین جانینی یاندیریب یاخان

سونولمز ابدی بیر آتش دیر عشق

: عشق چون خورشیدی فروزان در آسمان عمرمان می درخشد وجانمان رابه آتشی جاویدان وابدی می گدازد

حیات داماریندا قان کیمی آخیب

صفالار قاوزانیر صاف قایناغیندان

عشق ده ن دوغولان سونسوز محبت

انسانی قورتارار غم قیناغیندان

:  ازجریان  عشق در رگ هایمان مهرو صفا می جوشد واین جوشش انسانها را از هر درد و رنجی رهایی می دهد

وورغونلوق شوق ایله یاشایر انسان

سئوگی سیز  یاشاماق اولوم ده ن بتر

قارشیلار اولومی مین سئوینج ایله

انسان دان  آلسالار  عشقینی  اگر

: انسان ها به عشق ودلدادگی زنده اند  / زندگی بی معشوق از هزاران مرگ بدتراست . وانسانها بدون عشق به سوی مرگ ونیستی می شتابند .

عشق ایله تاپیلیر عومورده معنا

معناسیز بیر سوزدی عشق سیز عومور

معنا حاکم اولان گئرچک دنیادا

عشق سیز یاشاماق هیچ اولارمی  گور؟

:  عمرانسان با دلدادگی معنی می یابد و بدون عشق عمر وزندگی بی معناست . درجهانی که حقیقت در آن حاکم باشد زندگی بدون عشق میسرنخواهدبود

عشق ایله یاشایر بل لی دیر البت

یئدی قات گوگ لرده سیر ائده ن گونش

عشق ایله آلیشیب شعله لر چکیر

عشق سیز کول اولار سونولمز آتش

:  خورشیدنیز در این هفت آسمان به عشق ودلدادگی ره می سپارد و آتش نیز از سرعاشقی و دلدادگی است که شعله می کشد

پاک اولان مقدس اوجاق لارکیمی

دوتالیم عشق ده اوجاق دیر اوجاق

قویمایاق بو دویغو ننگه اوغراسین

اونودا جان کیمی عزیز ساخلایاق

عشق به نظرمن , چون معبدی / پاک ومقدس است که باید آن را از هرگونه آلودگی ها به دور داریم وهمچو جام خودحفظ کنیم           

                                       اردبیل -  داودکیانی

+ نوشته شده در  یکشنبه دهم شهریور 1387ساعت 16:57  توسط داودکیانی | 
 

دنیامیز آل الوان گلزاردیر دئمه ک

بوگئنیش دنیایا بیر باغبان گره ک

باغبانسیز تز سولار باغلاردا چیچک

انسانلیق باغی نین باغبانی سن سن

وصفینی بیلمیره م نئجه دئیم من ؟

 

سونولمز آتش سن عشق اوجاغیندا

ادراک ذیروه سی سن بیلیک داغیندا

گله جک بوی آتیر پاک قوجاغیندا

حریت گونشی پارلار گوزون ده ن

وصفینی بیلمیره م نئجه دئیم من ؟

 

کوله ک لر کوکره یب آخسادا سئل لر

دنیانی بوروسه فتنه لی یئل لر

سنی اونودمایب اونودماز ائل لر

سنی ائل لر سئویر سن سن ائل سئوه ن

وصفینی بیلمیره م نئجه دئیم من ؟

 

بل لی دیر معلم/ اولماسان اگر

دوشونجه کور اولار / انسانلیق اولر

اوشوده ر سن سیزلیک بیزلری بتر

قورویار شاختادان یام یاشیل چمن

وصفینی بیلمیره م نئجه دئیم من ؟

 

عاشیق لار سازی نین سوزوو سن ده دیر

ائلیمین معلم گوزو سن ده دیر

وطن طالعی  نین  اوزو سن ده دیر

مین درده نشان دیر سئودالی سینه ن

وصفینی بیلمیره م نئجه دئیم من ؟

 

بئله کی انسانلار باش سیزدی قارداش

دنیادا هله لیک آیاغلاردی باش

سولقون چهره لری آلیب دی قان یاش

گوز یاشی اله نیر اوزلره ده ن ده ن

وصفینی بیلمیره م نئجه دئیم من ؟

 

سن حیات نغمه سین دایم پیچیلدا

بو تر چیچک لرین قولاقلاریندا

اوره گ لر دویونسه اوندادیر اوندا

گول آچیب  گووه نر   بختور وطن

وصفینی بیلمیره م نئجه دئیم من ؟

 

نئجه دیری لیگی جان وئریر تنه

ائله جه باغلی دیر ائل لریم سنه

سن ده کی جسارت روح وئریر منه

اوره ک لر دینجه لیر دادلی سوزون ده ن

وصفینی بیلمیره م نئجه دئیم من ؟

 

                        داودکیانی

 

                      12/2/1369

 

 

+ نوشته شده در  یکشنبه دهم شهریور 1387ساعت 16:57  توسط داودکیانی | 
 

شن حیات  گره گی  بونلاردیر  دئمه ک

محبت/ایستی لیک /ایستک لیک /ایسته ک

گره ک دیر دئیره م سئومه ک/ سئویلمه ک

بوقیسسا عومورده هر  بیر  اینسانا

 

بورویوب عالمی بیر آغیرطوفان

توپ توفنگ باغیریر طلب ائدیر قان

قورخودان اوزونو ایتیریب اینسان

نفرت / آجی نفرت بئله  دورانا

 

تار اوزو باغلایب هورومچه ک تورو

تئلین داراخلاسین مضراب یوخ زورو

ائله جه ده چیخیب شعرین شــــــورو

یالتاقلیق  یول آچیب   دفتر   دیوانا

 

قاراتئل  سارانی آراز  بوغاندان

آغاردیب ساچینی کدرله سلطان

ساراسیز مغانی نیلیر خان چوبان

بیرده  قایتماسین دئین مغانا

 

قالدیق یامان گونه لاپ هئچ دن هئچه

آدینا سایـــریق   هفته لر   کئچه

یوخاری کندلرده بانلایر    بئچه

آیلین قویماین سحــــــر  یوبانا

 

محبت اوجاقی  گره ک  آلیشسین

الینده ن گله نی هرکیم چالیشسین

ظلمت له یاراشماز ائلیم باریشسین

قارانلیق ننگ دیر گوزه ل ایرانا

 

عدالت گونشی بیرده گولرسه

هرکیم آرزولارین گونئی ده سرسه

گله جک  نسیلی  دوزلوک بئجرسه

بیرکیمسه آلدانیب  اویماز یالانا

 

هریولدان گله نین  دوشمه فئلینه

سینیق کونلو باغلا   یارین تئلینه

دیوانه اول  (یالقیز) شانلی ائلینه

هئچ بیریئرده:( ائلسیز اولماز دیوانا)

                         اردبیل - داودکیانی

+ نوشته شده در  یکشنبه دهم شهریور 1387ساعت 16:54  توسط داودکیانی | 
 

صون سوز سمالارين  درين ليگينده ن

آخار چشمـــه لرين  سرين ليگين ده ن

رويـــالی حياتين   شيــرين ليگين ده ن

دويــــــــــورام گينـــه ده  عشقين لذتين

ازعمق بی نهايت  آسمانها / ازخنکای چشمه های جاری/  ازحلاوت حياتی رویایی   /  لذت عشق را دوباره احساس می کنم

قـــــــالين مئشه لرين مبهم سسينده ن

آقشامــــــــلار دنــيزين گورنفسينده ن

دريا قــــيزلاری نين گوی هوسينده ن

دويــــــــورام گئـــنه ده عشقين لذتين

ازصدای مبهم جنگلهای انبوه/ ازهرم نفسهای دريا به هنگام غروب / ازتمناهای آسمانی دخترکان دريا / لذت عشق را حس می کنم

صونا تک صف چکيب قاطاربه قاطار

گـــــول لرين باشينا گلنده قـــــــيزلار

گــــــــورنده قول قولا گزير ايکی يار

دويـــــــــورام گئنه ده عشقين لذتين

وقتی دخترکان  همچون قوی های  زیبا بر سر چشمه ها صف می کشند و هنگامی که دو دلداده را دست درگردن هم می بينم  همچنان لذت عشق را حس می کنم

وورغونلوق درديمی آنلاياندا وار

نصيحت وئرمـــه گه دانلاياندا وار

حــــــــدقه بيچمه گه بانلاياندا وار

دويـــــورام گئنه ده عشقين لذتين

بعضی ها غم دلدادگی ام را می دانند / بعضی مرا پند واندرز می دهند / وبعضی ديگر مرا تهديد می کنند / با اينهمه من هنچنان لذت عشق را احساس می کنم

اوره گـيم کئوره ليب سيناجاق بلکه

اود دوتــــو ب آليشير ياناجاق بلکه

ايستک ليم دوشونوب قاناجاق بلکه

دويـــــــورام گئنه ده عشقين لذتين

دلم چنان ترد شده که تو گويی می خواهدبشکند/ دلم آتش گرفته ودارد می سوزد / دلداده ام  دراين حال وروز شايد بفهمدکه من  لذت عشق را حس می کنم

قوجاليق / قوجالماق بير رئال سادا

حيـــاتين قارشيندا بير سئوال سادا

بـــــوگونلر ياشاماق قيل وقال سادا

دويــــــورام گئنه ده عشقين لذتين

پيری و گذرعمر واقعيتی تلخ ودردآور است وعلامت سئوالی است درمقابل زندگی/ امروزه زيستن گرچه ملال آوراست اما من لذت عشق را همچنان احساس می کنم

سيز ای گه له جک ده عاشيق اولانلار

سئـــــــــــوگی آتش ايله قلبی دولانلار

گورنــــــده سيزلری قيزلار/ اوغلانلار

دویـــــــــــورام گئنه ده عشقين لذتين 

شما ای کسانی که بعد ازمن عاشق خواهيدشد/ ای عاشقانی که دلتان از آتش عشق لبریز خواهدشدد / ای دختران وپسران سرزمين من / وقتی شمارامی بينم لذت عشق را دوباره احساس می کنم

منيم مزاريمی گـــــــونئی ده ن قازين

قبريمين اوستـــونده لاپ آيدين يازين

گورنــــــده گوردادا گوزه ل لر نازين

دويـــــــــورام گئنه ده عشقين لذتين

مرا درمحلی آفتابگير(روبه قبله) به خاک بسپاريد وبرسنگ مزارم باخط درشت وروشنی بنويسيد که : از داخل قبر هم وقتی که عشوه وناز زيبا رويان راببينم لذت عشق را دوباره احساس می کنم

                                             داودکیانی

+ نوشته شده در  یکشنبه دهم شهریور 1387ساعت 16:51  توسط داودکیانی | 
 
صفحه نخست
پست الکترونیک
آرشیو
عناوین مطالب وبلاگ
درباره وبلاگ
قوی منی دایازلار ائشیتمه سین لر
یوخسا لپه له نیب دولـوب داشارلار
دردیمی داغ لاردا چکسه لـــر اگر
مین اوزلری قده ر آغیـــــــرلاشارلار

پیوندهای روزانه
سوی بان(موغانین یارادیحیلیق دنیاسی)
انجمن ادبی حافظ اردبیل
آرشیو پیوندهای روزانه
نوشته های پیشین
دی 1392
آذر 1392
آبان 1392
خرداد 1392
اردیبهشت 1392
اسفند 1391
آذر 1391
شهریور 1391
مرداد 1391
تیر 1391
اردیبهشت 1391
فروردین 1391
بهمن 1390
دی 1390
آذر 1390
مهر 1390
شهریور 1390
تیر 1390
خرداد 1390
اردیبهشت 1390
فروردین 1390
اسفند 1389
مهر 1389
شهریور 1389
مرداد 1389
خرداد 1389
اردیبهشت 1389
فروردین 1389
بهمن 1388
دی 1388
آذر 1388
آبان 1388
مهر 1388
تیر 1388
خرداد 1388
اردیبهشت 1388
آرشيو
آرشیو موضوعی
اشعاربرگزيده ديگرشاعران
تورکجه غزل لر
فارسجا شعرلر(اشعارفارسی )
باشقا شعرلر
چاپ اولموش مقاله لر
پیوندها
انجمن ادبی حافظ اردبیل
سوی بان (موغانین یارادیحیلیق دنیاسی)
کاظم نظری (بقا)
شعیر چلنگی
 

 RSS

POWERED BY
BLOGFA.COM