X
 |
 |
|
| داودکیانی نین فارسی وتورکی شعرلری/یازی لاری |
|
وصونرا سئوگی حرام آدلانیب یاساغلاندی کوپون کی قیرپی قیریلدی قدح قاپاغلاندی ایاغ یالین باش آچیق گیردیم عشق آدیلا یولا ایاغلاریم چیخیب ال ده ن باشیم ایاغلاندی اولای لارین دالای ایندان چیخان جریده جانیم بلا لی بولگه ده طوفان ایلن قاباغلاندی خیال خال لبین لن خـــــــراب اولان کونلوم آخیردا زولفــــون اوجونده ن دخیـــل باغلاندی دورون نمازه شهیــد اولدی دل ( قه تیل سیندی) امــــل لرین تمـــــــلی قان ایلن بویاغلاندی چا تیلدی رشته ی جان آیریلیق کجاوه سینه انیس محنت اولوب آه ایلـــــــن ایاغلاندی غم ائیله یب گوزومون کورپه سین خرابه نشین قصوره باخما اگــــــــــر آغلایب اوشاغلاندی اول جه آلدی لا می ده ن خلایقی (یالقیز) وصونرا سئوگی حرام آدلانیب یاساغلاندی داودکیانی (یالقیز) اردبیل خرداد ماه 1392 ایضاح لار: کوپ : خمره اولای : حادثه دالای : اقیانوس جریده : تنها ؛ یک تنه بولگه : منطقه تمل: اساس ؛ بنیان |
|
+ نوشته شده در
چهارشنبه بیست و پنجم اردیبهشت 1392ساعت 13:39 توسط داودکیانی |
|
|
من ده لی سئودالار ایلن بیر طهر ال تاپا بیلمه ام ساچینا مختصر باخما بوروق ساچلاری نین قددینه هر بوروغوندان توكولور مين هنر بير بوروغو عاشقه قصد ائيله سه آيري بيري آرخادا نازين چكر بیر بوروغو کس سه حیاتین یولون آیری بوروغ لاردا دوگون لر نه لر دالغالی تئل لرده کی باتماز گونش گون دوغولان یئرده بوغولمازسحر ساچ دئديگين سدره و طوبي خولی هر طرفي طرفه لي دیر فره ور ساچ دئمه( یالقیز) بو گوزه ل جنته نعمتی تای سیز گووه نی مستمر داودکیانی
(یالقیز) - اردبیل دی ماه 1391 |
|
+ نوشته شده در
دوشنبه نهم اردیبهشت 1392ساعت 19:8 توسط داودکیانی |
|
|
دوباره قوپ قورو چول ده ن یاشیل باهار گووه ریر چیمن چیچک لــــری دیرچلتدی لاله زار گووه ریر یئلین لی بیر گئجه نی باغلایب گوموش سحره خومار خومار ؛ آلا گوزلرده ن انتظــــار گووه ریر دوشوب گونش ؛ ده لی سئودالار آرخاسیجــــا مگر الاولی جـانینی سئــــــــــــودالارا یاخـار گووه ریر چیخارتدی جاذبه بحث این بیر آلما اورتالیقا نه فایدا آلمـــــــا سارالمیش یئرین ده نار گووه ریر نه آتش آهیمی کســـــــــــــــدی ؛ نه آهیم آتشیمی ایچیم ده قاینایـــر اودلار باشیم دا قار گووه ریر جـانیـــم دا حجره به حجـــره شیتیل له یر سئودا قانیم دا قطره به قطــــره دامار - دامار گووه ریر من عشق ایلن اولـــــو داغ تک اوجالدیم افلاکه باخــــان دا گوی اتگیمده ن پینار- پینار گووه ریر زبس توکــــولدی گوزه ل لر دالیجـا گوز یاشیم گوزوم هایانـــــدا گه زیر قارشی سیندا یار گووه ریر دئدیم کی آرزولاریم غونچــــــالانمامیش سولدی چوخ آرزولار دئدی ( یالقیز) یاغیش یاغارگووه ریر
داودکیانی
(یالقیز) - اردبیل اردیبهشت 91
|
|
+ نوشته شده در
سه شنبه سوم اردیبهشت 1392ساعت 20:19 توسط داودکیانی |
|
|
می ؛ یاساق لاندی پاس لی جام لاردا مزه زقومه دونــدی کام لاردا دوشدوی چیرپینتی کوپ لرین جانینا درد و حسرت گوگـردی جام لاردا سیندیریب جهل ساقی نین ساق این پیری تکفیر ائدیــــــــر عوام لاردا دویغولار غصه ده ن دونوب دی دیغا سئوگی دوستاق لانیب دی دام لاردا قورویوب زخمه تئل لرینده تارین بوغولوب ذوقی ازدحام لاردا چوردوشوب فضل و دانشین کوکونه سارالیب دیر یاشیــــــل اینام لاردا پوزدی سارسینتی بزم احبـابی آرخـــادا قالدی خوش مرام لاردا قان اولایــدین قدح قدح ای دل سئوگی ده ن لاف ائده ن مقام لاردا بیزده ن آنجاق قورو نفس (یالقیز) قالسادا جان چکیـــــــر سلام لاردا
داودكياني (يالقيز)- اردبيل اسفند 91
|
|
+ نوشته شده در
یکشنبه ششم اسفند 1391ساعت 10:6 توسط داودکیانی |
|
|
حــــــــوا قوتاردی جنت العلاده ن آدمی آدم چکردی قسمته منسوب اولان غمی دنیایه گتدی آدمی حـــــــــــوانین الفتی جنت ده یوخسا غصه چوروتموشدی آدمی زیق دان یوغورلانان عملی؛ آدم ائیله دی حوا باخیشلی لار گوزی نین نازی جم خمی یاخمـاز؛ جهنم آتشی طوفان لی ساچلارین ابلیسی چکــــــــــدی جنته گیسوی ارقمی جنت باغین دان ائیله یب عصیانلن خروج اویناردی گوگده ساچلاری نین قاره پرچمی سئودا دونوب دوشرسه اگر زهره جلدینه حـاشـــــا نهانی دوتماق اولا اسم اعظمی من زولفه باغلی یام منی قورخوتما زاهدا قیوریم لارین دا ایزله یره م گیزلی مرهمی حوا: دوروبدی چرخ فلک ؛ گلسه نه م کوچه ک هم آلما چیخدی هم ده نه دولدو یاشیل زمی داودکیانی (یالقیز) - اردبیل آذر 1391 |
|
+ نوشته شده در
چهارشنبه بیست و دوم آذر 1391ساعت 21:59 توسط داودکیانی |
|
|
بیر کلمه یاشیل نغمه گوگرمیش دی لب اینده قاینار جانی سئودا دئییله ن وئرگی تب اینده ذر عالـــــمی بیــــرلحظه گوروب جلوه ذاتی ذراتی گزه ر عـالــــــــــــم معنا طلب اینده دوندردی دونوش نقطه سینه نقطه ی خالی محو اولـــــدو ملاحت له صونرا خال لب اینده حریتین اوغرون دا ؛ ملامت لره قارشی / منصور جســــــدلن دی حروفی لقب اینده سئوداسی نی قان ایله اوده ر بو ده لی قان لی مبهوت ائله یب عالـــــمی سئودا طرب اینده سئوداکیمی سئودالی لارین رسمی ده خوشدور بالخاصه کی سئودالاناسان تورکی دب اینده سه یرینتی یه بغدادی سالیب قان لی عروجــی چیرپینتی دوشوب جانینــــــا شط العرب اینده ( یالقیز) یاشار آزاده اورک لرده نسیمـــی حبس اولسادا شیــدا جانی غیرت حلب اینده
داودکیانی - اردبیل - شهریور 1391 |
|
+ نوشته شده در
سه شنبه چهاردهم شهریور 1391ساعت 13:11 توسط داودکیانی |
|
|
یئغیب دیر باشینــــــــــا آشفتــــه لر جمعیت این زولفون توکنمزبیر گئجه/سئودا/اوره ک/من/ چین به چین زولفون حدیث عشقی ساچ دان باشقـــا بیر رویــــا اوزاتمازمیش اوزاتمیش قات به قات گورکـــم یاراتمیش آفرین زولفون توســـــــل قیلـــدی ازبس اهل محنت اول چلیپـــــایه * اولوب دور باب رحمت بایراقی حبـــــــل المتین زولفون یورولماز اول سیــه گیسو تسلسل لرده ن ای هنـــــــدو دریــــغ ای نازنین آهو نه عشق آنلار ؛ نه دین زولفون چکیب مین جسم حبسین ای برهمن / من به من / روحوم تاپاندا مین ده بیـر راحت یاخیب دیر بیر ده مین زولفون منی سئودالاریم هی دوغــدو ؛ بوغـــــدو اینجه تئل لرده اولوب دیر رشتـــــه ی جانیملن ای دلبرعجین زولفون اگر ایمان یولون قصــــد ائتمه یب دیر ای بت چینی یایلمیش چین به چین پس چیگنین اوستونده نه چین زولفون قالیب دیـر وادی حیرت ده سن سیز نیله سین( یالقیز ) قارانلیق بیر گئجه؛سرگشته عاشیق ؛.............. زولفون
داودکیانی – اردبیل - مرداد 91
چلیپا : 1- صلیب 2- کنایه از علامت سوگواری در ماه محرم که ترکیبی است از پر های بلند ؛ سطوح فلزی فنری ؛ ابزارهای جنگی مثل (کلاهخود و سپر) و پارچه های ترمه ؛ که روی محور افقی قرار دارند |
|
+ نوشته شده در
چهارشنبه یکم شهریور 1391ساعت 11:59 توسط داودکیانی |
|
|
دولانير چرخ فلك ساقي دولاندير جامي گردش جـام ایله دفع ائیله غم ایامی می گه تیر باده گه تیر تشنه لری کامه یئتیر منی جانانه گوتور سرخوش اولان هنگامی چکیلیب دیرال ایاغ تا دوشوب ال لرده ن ایاغ دورما ساقی اوزون آغ بیرده دولاندیر جامی کنج میخانه ده ن عشق آتش این افلاکه چی له تافلک لرده بیله اودلودور عشق الهامی آلیشیب یاندی اوره ک دردی دئدیک یاره دئیه ک دئمه اول نازلی ملک دینله مز استرحامی گوزلرین عاشقی سالمازدی نظرده ن نه بیلیم ساچ لارین بلکه کسیب دیر صله ی ارحامی دورما دولدور قدحي باغریمی غم کسدی گه تیر جام ايلن بام ائله آنجاق بو قارا نلیق شامی عومروموز اولدو سحرسیز گئجه باغرین دا تلف داها گون چیخسادا (یالقیز) یاراماز فرجامی 1391/5/17داود کیانی - اردبیل -
|
|
+ نوشته شده در
چهارشنبه هجدهم مرداد 1391ساعت 14:14 توسط داودکیانی |
|
|
من ده یاشیل دویغولاری تازه لر هر دونه گلزاره او گلرو گه لر (هیات زولفونده قویارچرخی مات)* صورتین افلاک ده ن اوزلر صور اهل دلی گوردو نیاز اولدورور سلسله ی نازی قیلیب مستقر کیم دی بوغوغاده قیشین محنتین بلبل شوریده ده ن آلسین خبر سردی جانین یوللارا قاینار بولاغ یول بویونا دوزدی یاشیل نغمه لر مورگولو باغلارداچیچک چیرتدادی غم یئرینه قاینادی نی ده ن شکر اندی ایاغیندان اوپه آل گونش گون ده دئمه وورغونومیش بیرطهر باد صبا هو دئیه هی ده ن دوشور تا ســـــــاریلا ساچ لارینا مختصر هی داغیلیر مویی گونش رویی نه هي قاتیلیر بيربيرينه خير وشر اي دل ديوانه دولاشدین ساچا چاتدين آخير مطلبووه بختور ساچ دئمه (یالقیز) بو گوزه ل جنته شوکتی تایسیز گووه نی مستمر
داودکیانی (یالقیز) - اردبیل خرداد90
دیرناق آراسینداکی مصرع حکیم لعلی ده ن دیر |
|
+ نوشته شده در
جمعه شانزدهم تیر 1391ساعت 22:59 توسط داودکیانی |
|
|
گلسه گئنـــــــــه دویغولاری تازه لر سئوگی یه سئودایه وئره ر بال وپر وادی حیرت ده قالان کونلــــــوموز نقطه ی ایمــانه چاتار بیر طه هر قاشـلاری محرابی سالار سجده یه باغـــــلاماسا قــــــدینه قامت اگر زمزمـــه ده ن زمزم اولار مستطیع کعبه نی ائیله ر باخیشین بخته ور سروائله سه قامت اینه اقتــــــــــــدا نافلــــه ده ن دویمیاجاق تا سحر خال لبین ده ن نه دئیب دیر مگر؟ بویله قارالمیش داشا دونموش حجر سعی ایله تقصیرین اوده ر مروه ده باشـلاســــا سئودایه صفاده ن سفر هروه له قصدایله قاپوزدان کئچیب صونرا گونش گوگ ده اولار مستقر چکمـــه سه عشاقی جنون دشتینه عاشیق شوریــــــــده ده قالماز قده ر حسرتی (یالقیز) چورودوب عومرومو گلسه گئنــــه دویغولاری تازه لر
داودکیانی(یالقیز) اردبیل اردیبهشت 91 |
|
+ نوشته شده در
چهارشنبه بیست و هفتم اردیبهشت 1391ساعت 16:55 توسط داودکیانی |
|
|
صفحه نخست پست الکترونیک آرشیو عناوین مطالب وبلاگ |
| درباره وبلاگ |
قوی منی دایازلار ائشیتمه سین لر
یوخسا لپه له نیب دولـوب داشارلار دردیمی داغ لاردا چکسه لـــر اگر مین اوزلری قده ر آغیـــــــرلاشارلار |
| پیوندهای روزانه |
|
سوی بان(موغانین یارادیحیلیق دنیاسی) انجمن ادبی حافظ اردبیل آرشیو پیوندهای روزانه |
| آرشیو موضوعی |
|
اشعاربرگزيده ديگرشاعران تورکجه غزل لر فارسجا شعرلر(اشعارفارسی ) باشقا شعرلر چاپ اولموش مقاله لر |
| پیوندها |
|
انجمن ادبی حافظ اردبیل سوی بان (موغانین یارادیحیلیق دنیاسی) کاظم نظری (بقا) |
|
RSS
|